Detaje të reja janë zbuluar nga ngjarja e rëndë që ndodhi ditën e djeshme në Greqi, ku shqiptarja plagosi rëndë okulistin grek. 68-vjeçari grek ka hedhur akuza mbi ish-bashkëshorten e tij duke thënë se kjo e fundit ka ushtruar dhunë ndaj gruas së tij aktuale.Sipas tij, shqiptarja i ka shantazhuar dhe përndjekur dhe madje së fundmi është dënuar me 4 muaj burg për shantazh, ndonëse ka ende procese të tjera gjyqësore të papërfunduara ende.
“Ka shumë vite që kemi një mosmarrëveshje ligjore. Ajo u dënua së fundmi me katër muaj burg për shantazh, shumë procese gjyqësore të tjera nuk kanë mbaruar. Ajo ka ardhur dy herë dhe më ka rrahur gruan. Më ka shantazhuar dhe më ka marrë para, mbi 100 mijë Euro”, ka treguar okulisti.
Ai ka shtuar më tej se ish-gruaja e tij i i ka dëmtuar makinën atij dhe familjarëve të tij, duke i kërcënuar vazhdimisht. Ata janë në konflikt me njëri tjetrin për shkak se ndodhen në proces divorci dhe se së fundmi Klaudia Çelo e akuzon 68-vjeçarin se i ka marrë vajzën e tyre dhe nuk e lejon që kjo e fundit të takojë.
Jorgo Neos dhe Klaudia Çelo prej vitesh kishin probleme me njëri-tjetrin dhe debate të vazhdueshme.
Discussion about this post