Ditën e sotme ministrat e jashtëm të Bashkimit Europian do të mblidhen në BE, ku do të diskutohen çështjet më të rëndësishme edhe për vendet e Ballkanit. Ndër to, pjesë e axhendës do të jenë sigurisht diskutimet për integrimin e Shqipërisë dhe Maqedonisë së Veriut. Lajmin e ka barë të ditur komisioneri për politikën e fqinjësisë dhe zgjerimit, Oliver Varhelyi, i cili ka deklaruar për mediet, se pas zgjedhje të përgjithshme në Bullgari, Bashkimi Europian pret progres të shpejtë për hapjen e negociatave zyrtare me Shqipërinë dhe Maqedoninë e Veriut
“ Takimi i sotëm i ministrave të jashtëm të Bashkimit Europian përbën një ditë të ngarkuar në Bruksel. Ne do të diskutojmë për temën e Ballkanit Perëndimor. Siç e dini, rajoni i i Ballkanit Perëndimor nuk lidhet vetëm me politikën e zgjerimit, por edhe me asocimin e tyre me politikën e jashtme të Bashkimit Europian. Ne duhet të ecim përpara me politikën e zgjerimit, që është instrumenti ynë më i fortë.
Pas zgjedhjeve në Bulggari, ne shpresojmë që të shohim një progres të shpejtë lidhur me qasjen për Maqedoninë e Veriut. Ne jemi gati të rimarrim punën shumë shpejt dhe të finalizojmë çështjen e mbajtjes së konferencës së parë ndërqeveritare me Maqedoninë e Veriut dhe Shqipërinë këtë vit”, është shprehur Varhely, duke theksuar se edhe ai vetë ka besim që këtë herë do të marrim lajme të mirë në lidhje me këtë çështje.
Discussion about this post