Varianti i ri i COVID-19 i quajtur Omikron ka dyshime se ka mbërritur në vend. Ministrja e Shëndetësisë Ogerta Manastirliu tha se ISHP do të dërgojë mostrat për analizim për të parë më pas nëse ky variant ka qarkulluar apo po qarkullon në vendin tonë.
Ndër të tjera, Manastriliu u bëri thirrje qytetarëve që të vijojnë me procesin e vaksinimit. Ajo deklaroi se do të bëhet një vlerësim i gjithë masave aktuale për frenimin e pandemisë, si dhe vendosja e maskave në ambientet e brendshme.
“Është e rëndësishme të vijojmë vaksinimin edhe në raport me variantin e ri Omicron që tashmë ka shqetësuar botën. Jo duke i vendosur vendet në panik por i ka vendosur në një gatishmëri të shtuar të gjitha vendet, ashtu sikurse edhe ne”, tha ministrja Manastirliu.
Discussion about this post