Avokatët dhe juristët e rrethit Gjyqësor Vlorë i kanë drejtuar një peticion Operacionit Ndërkombëtar të Monitorimit për rishikimin e vendimit të marrë nga KPA për gjyqtaren e Gjykatës së Vlorës, Atalanta Zeqiraj. Deri më tani 59 firma janë mbledhur nga avokatët dhe juristët e rrethit gjyqësor Vlorë, të cilët pretendojnë se, rekomandimi i ONM në Komisionerin Publik për të ankimuar vendimin në KPA për konfirmimin në detyrë të Zeqirajt nuk është i drejtë.
Kjo pasi sipas juristëve ajo përfaqëson figurën e magjistratit që synon të përvijojë procesi i vlerësimit.
“Etika e komunikimit, integritetit profesional dhe humanizmi i saj, kemi menduar se përfaqësojnë më se mire atë figurë të magjistratit që synon të përvijojë procesin i rivlerësimit. Duke rekomanduar që vendimi për këtë magjistrate të ankimohet, sigurisht pa dashjen tuaj ju keni vënë në dyshim jo vetëm integritetin e saj, por njëkohësisht perceptimin qytetar në efektshmërinë e procesit të rivlerësimit. Nëse ngrihen pikëpyetje mbi magjistratë të tillë të cilët përfaqësojnë shpresën tek drejtësia e pavarur, e paanshme, e pakorruptuar dhe njerëzore, nuk jemi në gjendje të përfytyrojmë cilësi të tjera që duhet të ketë një magjistrat për të qënë i konfirmuar në detyrë. Rekomandimi juaj i fundit për znj. Zeqiraj, e themi me keqardhje, nuk është në koherencë me vlerësimin dhe perceptimin e komunitetit të juristëve të këtij qyteti dhe më gjerë. Ky fakt për fat të keq ka ulur në mënyrë të ndjeshme pritshmëritë për rolin Tuaj dhe ka demotivuar çdo punonjës të drejtësisë në këtë qytet”, thuhet në peticionin e tyre”, thuhet në peticionin e tyre.
Operacioni Ndërkombëtar i Monitorimit i ka kërkuar Komisionerit Publik që të ankimojë vendimin e KPK të 30 qershorit 2021, që ka konfirmuar në detyrë gjyqtaren Zeqiraj dhe të kërkojë shkarkimin e saj. Por ky vendim ka hasur kundërshtinë e avokatëve dhe juristëve të Vlorë, të cilët e konsiderojnë këtë veprim të padrejtë, pasi për ta Atlanta Zeqiraj është shembulli se di duhet të jetë drejtësia dhe se ajo përfaqëson figurën e magjistratit që synon të përvijojë procesi i vlerësimit.
E.H/ gijotina.com/
