Kryeministri Edi Rama në një konferencë për mediat ditën e sotme ka zbuluar përgjigjet e dhëna nga qytetarët mbi pyetësorin e Këshillimit Kombëtar. Një nga pyetjes ishte edhe në lidhje me nisëmn Open Balkan. Në këtë pikë, kryeministri nuk ka nguruar që thumbojë kryeministrin e Kosovës, Albin Kurtin dhe të gjithë të tjerët që janë shprehur kundër kësaj nisme. Rama tha se kjo nismë vlen dhe se askush nuk mund ta kundërshtoj pjesëmarrjen e Serbisë, pasi nuk e ka zgjedhur ai që Serbia të jetë pjesë e Ballkanit. Duke theksuar se kjo nismë është vetëm një bashkëpunim mes vendeve të Ballkanit, Rama tha se nuk do pranoj kurrë mendime apo këshilla nga të tjerët se çfarë duhet të bëjë, duke iu drejtuar në mënyrë indirektet Albin Kurtit.
“59% e qytetarëve në nismën e Ballkanit të Hapur është mbështetje e fortë. Mos harroni që procesi ka ndodhur me atë interferencë që thashë. Nuk ka qenë vendimmarrja ime që në Ballkan të gjendet dhe Serbia. Është aty dhe është fqinje që do të jetë aty gjithmonë. Ballkani i Hapur nuk bëhet për Serbinë, nuk mbrohen interesat e Serbisë por tonat. Gjithkush tjetër mbron të tijat.
Ka interesa konverguese, jo diverguese. Çdo e tillë i shërben paqes. Kur flasim për paqe, ajo bëhet me ata që ke probleme. Ballkani i Hapur është interes shumë i rëndësishëm, edhe i Kosovës, por jam udhëheqës i Shqipërisë, nuk dua të jap mend dhe as këshilla të pa kërkuara, por as nuk dua të më japin mend, apo të ndërhyjnë. Është në interesin e madh të Shqipërisë që të zgjerojë hapësirën e lëvizjes. Shkoni pyesni fermerët shqiptarë që prej vitesh kanë marrëdhënie pune me tregun”, tha ai. Ndër të tjera ia tha se përfitimet nga ky proces janë më të shumta se kostot, prandaj nisma do të vazhdojë, duan apo jo të tjerët.
Discussion about this post