Deputetët e Shqipërisë janë mbledhur në orën 10:00 në Kuvend për të zhvilluar seancën e radhës plenare. I pari që e ka marrë fjalën ishte deputeti Petrit Vasili, i cili ka folur kundër Ballkanit të Hapur. Ai u shpreh nga foltorja se maxhoranca e Shqipërisë ka zgjedhur të jetë në krah të Serbisë në një kohë që bota është ndarë më shumë se kurrë, për shkak të luftës Ukrainë-Rusi.
“Kjo fjala urgjent na prish pjesën e mocionit. Fjala urgjent për të sqaruar teleshikuesit për të lënë të kuptohet që ka urgjencë kjo punë dhe se qershori është pas dere. Kjo si ajo e Srebenicës që nuk u bë tani, por u bë pas disa muajsh. Kjo deklaratë shumë e rëndë është bërë në mes të Brukselit me qëllim. Ne refuzuam amendamentin për të dalë nga Ballkani i Hapur, në momentin më delikat kur bota është ndarë më shumë se kurrë,” tha Vasili.
Sipas rendit të ditës, sot do të prezantohet raporti i veprimtarisë së Autoritetit të Mediave Audiovizive për vitin 2021. Një tjetër çështje që pritet të hapë debate është edhe Butrinti. Kjo pasi sot diskutohet edhe projektligji “Për miratimin e marrëveshjes për administrimin e nënzonave të trashëgimisë kulturore dhe peizazhit kulturor, pjesë e Parkut Kombëtar të Butrintit, ndërmjet Ministrisë së Kulturës dhe Fondacionit për Menaxhimin e Butrintit”.
Discussion about this post