Gjatë konferencës së përbashkët të mbajtur me Ramën dhe Zoran Zaev në Tiranë, presidenti serb Aleksandër Vuçiç ftoi vendet e tjera të rajonit të bëhen pjesë e iniciativës Open Balkan. Vuçiç theksoi se në vitet e ardhshme shifra e shkëmbimeve tregtare në fushën e Bujqësisë pritet të kapë vlerën e 1 miliardë eurove, duke dëshmuar në këtë mënyrë sipas tij përfitimet e marrëveshjeve të nënshkruara në mbështetje të Ballkanit të Hapur.
“Faleminderit që jeni këtu. Unë do të përpiqem që mos ta zgjasë shumë fjalën time, për t’i lënë fjalën dhe folësve të tjerë. Ne kemi dëshirë të bashkëpunojmë në fusha të ndryshme dhe bujqësia është një nga fushat më të rëndësishme të këtij bashkëpunimi. Kjo fushë nuk ka të bëjë vetëm me qarkullimin e lirë të ushqimeve dhe produkteve bujqësore, por ka të bëjë edhe në bashkëpunimin me inteligjencën artificiale, në fushën e robotëve të cilët mund ta zhvillojnë bujqësinë në të ardhme. Ne Serbia kemi 230 milionë euro me Maqedoninë e Veriut që përsëri është një shifër e vogël, të cilën duhet ta çojmë në 1 miliardë.
Nënshkrimi I këtyre marrëveshjeve shtesë, ka të bëjnë me harmonizimin e proceseve dhe do të sjellë lehtësira për prodhuesit. Më duhet të them që ka potencial të madh të rritjes së vëllimit tregtar. Vetëm për bujqësinë ne flasim për shifra që brenda pak viteve kalojnë shifrën 1 miliardë, pra e kuptoni sa e rëndësishme është kjo iniciativë për PBB-të e vendeve tona. Duhet t’i bëjmë bashkë të gjithë aktorët në mënyrë që të kuptohet qartë ideja e shkëmbimit e praktikave më të mira që të kemi më shumë rezultate në të ardhmen”, tha Vuçiç, ndërsa kërkoi që më pas të mbahet një mbledhje tjetër në Beograd.
Discussion about this post