Dy persona, origjina e të cilëve nuk është bërë e ditur, janë arrestuar nga policia në Uruguai pas një operacioni anti-drogës të koduar ‘Albania‘.
444 kilogramë kokainë u sekuestruan në Tacuarembo të Uruguait. Droga ishin hedhur nga një avion i vogël që po fluturonte mbi zonën e Rincón de Zamora, Montevideo Chico.
Më pas trafikantët e kanë transferuar në një kamion që mbante lëndë drusore. Dy drejtuesit e mjeteve 24 dhe 36 vjeç u arrestuan.
Në një konferencë për shtyp, Richard Saravia, shefi i policisë së Tacuarembó tha se ky është një sekuestrim rekord për departamentin dhe e quajti aksionin si diçka historike.
Deri më tani, nuk ka detaje se pse aksioni u pagëzua “Albania”.
Discussion about this post