Një operacion blic është zhvilluar në Lushnje. Policia njofton se janë arrestuar pesë persona. Të arrestuarit janë Kristi Mezini, Benard Kasapi, Jurgen Sula, Fatmir Sulovari, gjithashtu dhe shtetasi M.M të dyshuar për doza me lëndë narkotike.
Gjatë këtij operacioni, në lagjen “Karbunarë”, shërbimet e Policisë kanë ndaluar automjetin tip “Benz” që drejtohej nga Kristi Mezini dhe pasagjerë Benard Kasapi, Jurgen Sula, Fatmir Sulovari, M. M.
Gjatë kontrollit fizik të tyre, Mezinit dhe Kasapit i janë gjetur dhe sekuestruar, në cilësinë e provës materiale, doza me lëndë të dyshuar narkotike kokainë.
Këta të fundit pritet të përballen me akuzën për veprën penale “Prodhimi dhe shitja e narkotikëve”. Ndërsa Jurgen Sula dhe 17- vjeçari me iniciale M.M., do të japin llogari për veprën penale “Moskallëzimi i krimit”.
Gjithashtu, nga shërbimet e Komisariatit të Policisë Lushnjë, gjatë operacionit u arrestua edhe personi i identifikuar me iniciale F. S. (K)., 45 vjeç, banues në Sarandë, i dënuar më parë për veprat penale “Plagosja lehtë me dashje” dhe ”Armëmbajtje pa leje”.
Gjatë kontrollit të ushtruar në automjetin tip “BMW” që drejtohej nga ky shtetas, shërbimet e Policisë gjetën dhe sekuestruan një sasi me lëndë narkotike cannabis sativa, të ndarë në doza gati për shitje.
Discussion about this post