Operacion blic në Tiranë/ Zbulohet fugoni me mallra e veshje kontrabandë, në kërkim pronari

Një operacion blic është zhvilluar sot në Tiranë. Policia ka zbuluar një fugon me mallra dhe veshje kontrabandë. Në pranga është vënë shoferi i identifikuar me iniciale H. B., 59 vjeç, banues në Tiranë.

Shërbimet e Policisë, në afërsi të hyrjes së tregut të Medresesë, kanë lokalizuar dhe ndaluar furgonin dhe gjatë kontrollit u gjetën dhe u sekuestruan, në cilësinë e provës materiale, mallra dhe veshje, të dyshuara të kontrabanduara.

Nga veprimet hetimore ka rezultuar se këto mallra do t’i merrte personi i identifikuar me iniciale F. Q., 52 vjeç, pronari i një dyqani, i cili u shpall në kërkim. Në vijim të veprimeve u procedua penalisht në gjendje të lirë A. Q., 44 vjeçe, shitëse në këtë dyqan.

Materialet i kaluan Prokurorisë, për veprime të mëtejshme procedurale.