Një 35- vjeçar është vënë në prangat e policisë së Tiranës dhe dy të tjerë janë vënë në hetim pasi akuzohen për falsifikim dokumentesh.
Arrestimi i tyre është bërë mëngjesin e sotëm në kuadër “Last Trip”. Bëhet fjalë për personin e identifikuar me iniciale N. M., 35 vjeç i cili ka pajisur me pasaporta false spanjolle një çift dhe dy fëmijët e tyre.
I riu në bashkëpunim dhe me disa persona të tjerë identifikimi i të cilëve nuk është bërë ende, kundrejt shumës rreth 25.000 Euro dyshohet se ka pajisur me pasaporta të falsifikuara spanjolle personave të identifikuar si K. M dhe S. A, dhe dy fëmijët e tyre të mitur me qëllim udhëtimin e tyre drejt Gjermanisë.
Gjithashtu në kuadër të operacionit janë sekuestruar 4 pasaporta të dyshuara të falsifikuara dhe sende të tjera të kundërligjshme.
Pritet që personat e kapur në flagrancë nga ky operacion dhe ata që janë vënë në hetim të përballen me akuzën për këtë vepër penale “Ndihma për kalim të paligjshëm të kufirit”, dhe “Falsifikimit të letërnjoftimeve, pasaportave ose i vizave”.
