Mëngjesi i kësaj fundjave ka shënuar në Prishtinë një ngjarje tragjike. Mësohet se një grua është gjetur pa shenja jete në kuzhinën e një lokali në Prishtinë. Ngjarja ka ndodhur ditën e djeshme, ndërsa lajmi është bërë i ditur përmes raportit 24 orësh, teksa rasti është cilësuar si vdekje e dyshimtë.
Njësitë policore dhe ekipi mjekësor kanë dalë në vendin e ngjarjes, ku edhe është konstatuar vdekja e viktimës.
“Rr. Isa Kastrati, Prishtinë 01.10.2021 – 08:14. Është raportuar se viktima femër kosovare ishte gjetur pa shenja jete brenda në kuzhinën e një lokali. Njësitë policore dhe ekipi mjekësor kanë dalë në vendin e ngjarjes, ku dhe është konstatuar vdekja e viktimës. Me urdhër të prokurorit trupi i pajetë i viktimës është dërguar në IML për obduksion, rasti vazhdon të hetohet”, thuhet në njoftimin e Policisë.
Me urdhër të prokurorit trupi i pajetë i viktimës është dërguar në IML për obduksion, ndërsa rasti vazhdon të hetohet.
