Operacion në Shkodër, kapen disa persona të shpallur në kërkim (Emrat)

Forcat e Posaçme “Shqiponja”, në bashkëpunim me Policinë e Shkodrës kanë arrestuar një 28-vjeçar  në fshatin Dobraç.

Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.

Njoftimi i policisë:

Kontrolle të shtuara për kapjen e personave të shpallur në kërkim si dhe për parandalimin dhe goditjen e paligjshmërive.

Si rezultat i kontrolleve u kap një 28-vjeçar, i shpallur në kërkim për armëmbajtje pa leje dhe prishje të qetësisë publike

Po gjatë kontrolleve u arrestua në flagrance dhe një 24-vjeçar, për veprën penale largimi i të burgosurit nga vendi qëndrimit.

Si dhe është proceduar penalisht drejtuesi i automjetit me të cilin udhëtonin këta dy shtetas.

Në vijim të kontrolleve bazuar dhe në inteligjencën policore, për lokalizimin dhe kapjen e personave të shpallur në kërkim, Forcat e Posaçme “Shqiponja”, në bashkëpunim me shërbimet e Komisariatit të Policisë Shkodër, kapën në vendin e quajtur “5 Heronjt”, në fshatin Dobraç, dhe ndaluan shtetasin Zef Kakija, 28 vjeç, banues në fshatin Mushë.

Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prishja e qetësisë publike”.

Gjithashtu, u arrestua në flagrancë shtetasi Lulzim Kakija, 24 vjeç, banues në fshatin Grudë e Re, për veprën penale “Largimi i të burgosurit nga vendi qëndrimit”, pasi ka thyer masën e sigurisë  person me masë sigurimi “Arrest në shtëpi”.

Gjithashtu  u procedua në gjendje të lire shtetasi G. S., 43 vjeç, banues në fshatin Ndërlysaj, i cili drejtonte automjetin “Volkswagen Sharon” me të cilin po lëviznin këta dy shtetas.