Operacioni antidrogë i policisë italiane vuri në pranga 16 persona të akuzuar për trafikim ndërkombëtar të drogës, nga të cilët 4 shqiptarë, të identifikuar si Fatjon Cuca, Emiljano Hoxhaji, Eriseld Hoxhaji dhe Ledi Hoxhaji. Policia italiane raporton se janë sekuestruar 423 kilogramë drogë, teksa shpjegon skemën se si shpërndahej droga, por ajo që bie në sy është harta e Shqipërisë. Guardia di Finanza ka publikuar në faqen zyrtare pamjet e operacionit dhe të gjitha rajonet dhe provincat ku ishin të shpërndarë 16 anëtarët e grupit. Video tregon dhe Shqipërinë, për të identifikuar tre nga trafikantët shqiptarë që janë prangosur.
Rosario Amico akuzohet si promotor i shoqatës, për organizimin e së cilës ka shfrytëzuar kontributin e Pietro Sessa dhe Lucia Amenia , të cilët e kanë ndihmuar në gjetjen dhe blerjen e drogës. Eriseld, Ledi dhe Emiljano Hoxhaji akuzohen se ishin furnizuesit e qëndrueshëm të marijuanës që ata blinin në Shqipëri dhe ia shisnin Amico-s, i cili së bashku me bashkëpunëtorët e tij të tjerë do të merreshin me rishitjen e substancës te John Spiteri , që vepronte në Maltë. Kalabrezët Alessandro dhe Giuseppe Agostino me Antonio Bevilacqua dyshohen se janë furnizues të qëndrueshëm – në disa rrethana të ndihmuar edhe nga Salvatore Agostino dhe Rocco Bevilacqua – e kokainës, marihuanës dhe hashashit, e cila do të ishte transportuar nga Kalabria dhe shitur, në sasi të mëdha, në Amico. Së fundmi, Roberto Melfi akuzohet si blerës i kokainës, të cilën dyshohet se e ka rishitur në provincat e Milanos dhe Monzës. “Në veçanti, hetimet zbuluan një shoqatë kriminale, të përbërë nga shtetas raguzianë, shqiptarë dhe maltezë, përgjegjës për trafikimin dhe tregtimin e kokainës, hashashit dhe marihuanës, të blerë
Discussion about this post