Ditën e djeshme u arrestua nga policia Kastriot Guraj. 44-vjeçari u kap nga policia në Shkodër duke transportuar lëndë narkotike. Policia kishte marrë disa informacione se disa persona kishin kultivuar bimë narkotike canabis sativa, në zonën Rapshë, Malësi e Madhe, dhe po e transportojnë në drejtim të Vermosh-Koplik. Lënda narkotike ishte në mjet, sipas burimeve zyrtare ishte kultivuar në zonën e Malësisë së Madhe, posaçërisht në fshatin Rapshë nga ku ka marrë emrin edhe operacioni.
Guraj po e transportonte lëndën narkotike në drejtim të Vermosh-Koplik–Shkodër, aty ku u ndalua nga policia dhe u bë e mundur zbulimi i saj. Në dëshminë e tij paraprake para hetuesve, Guraj ka deklaruar se e ka shitur pak ditë më parë fugonin ku u gjet lënda narkotike, duke pretenduar se nuk ka asnjë lidhje me drogën.
