Zbardhen emrat e 6 personave të arrestuar në kuadër të megaoperacionit koduar “Flakë në det”, ku mori pjesë Guardia di Finanza, DEA amerikane dhe policia shqiptare, të cilët goditën një grup kriminal në Kurbin të trafikut të drogës.
Në kuadër të operacionit policor u arrestuan shtetasit:
Arlind Ismailukaj, 47 vjeç, banues në Tiranë;
Armando Mema, 37 vjeç, banues në Tiranë;
Nerim Çela, 40 vjeç, banues në Fushë Kuqe, Laç;
Besnik Brokeri, 51 vjeç, banues në Vlorë;
Kyrylo Ponomarenko, 39 vjeç, banues në Ukrainë;
Kostiantyn Biellon, 44 vjeç, banues në Ukrainë.
Zv/drejtori i Përgjithshëm i Policisë së Shtetit, Sokol Bizhga njoftoi përmes një deklaratë për shtyp se në këtë operacion u sekuestruan dy armë zjarr, një automjet tip “Audi” si dhe 45 mijë euro, 2 mln lekë të vjetra, 500 paund dhe franga zviceriane dhe 25 aparate celulare.
28 kg kanabis u gjet në afërsi të vendit ku është mbytur veliera e djegur. Deri tani janë arrestuar 6 shtetas shqiptarë dhe të huaj njoftoi zv.drejtori i policisë, ndërsa hetimet janë ende në vijim.
Grupi kriminal me bazë në Fushë-Kuqe të Kurbinit trafikonte kokainë dhe heroinë nëpërmjet detit.
Operacioni është zhvilluar në bashkëpunim me Guardia di Finanza dhe Frontex, DEA dhe SPAK për goditjen e parandalimin e një grupi të strukturuar kriminal.
Ky grup tenton trafikimin e kanabisit dhe shkëmbimin në det me trafikantë ndërkombëtarë me lënde narkotike të forta si heroinë dhe kokainë.
Discussion about this post