Operacioni i RENEA, ja kush është njëri prej të arrestuarve (Emri)

Një operacion i RENEA dhe FNSH në Vlorë, i cili vijon ende, ka çuar në arrestimin e 5 personave.

Nga raportimet e para mësohet se një prej të arrestuarve është Santiljano Basho, i vëllai i Tesi Bashos, i njohur si i forti i Selenicës.

Tesi Basho rezulton i dënuar me 14 vjet heqje lirie, ndonëse kishte një dënim me burgim të përjetshëm nga autoritetet italiane, i cili nga Gjykata e Vlorës u konvertua me 14 vite heqje lirie.

Raportohet se personat e arrestuar ndodheshin nën survejimin e disa punonjësve civilë të policisë.

Ka raportime se mes të arrestuarve dhe punonjësve civilë ka pasur edhe një konflikt, përpara se RENEA dhe FNSH të ndërhynin në lokalin ku edhe u kapën.

Nga raportimet mësohet se policia ka sekuestruar edhe dy armë zjarri, pistoletë, që dyshohet se i përkasin të arrestuarve.