Xhemal Gjunkshi, ish-deputet i PD dhe ish-drejtues i Shtabit të FA, ka shprehur mbështetje për operacionin e Policisë së Shtetit në kampin e MEK në Manzë.
Përmes një postimi në rrjet Gjunkshi shprehet se aksioni i sotëm i forcave të rendit në kampin e iranianëve të organizatës MEK në Manzë të Durrësit, kryhet në kuadër të sigurisë dhe mbrojtjes së territorit të Republikës së Shqipërisë.
“Vlerësoj se çdo tentative për të cenuar sigurinë dhe stabilitetin e Shqipërisë janë çështje të panegociueshme dhe aspak të justifikueshme, aq më pak me pretekstin se, strehimi i organizatës, financohet nga qeveria amerikane…”, shkruan ai.
Postimi i plotë
Aksioni i sotëm i forcave të rendit në kampin e iranianëve të organizatës MEK në Manzë të Durrësit, kryhet në kuadër të sigurisë dhe mbrojtjes së territorit të Republikës së Shqipërisë. Sipas burimeve zyrtare, aksioni është kryer pas disa paralajmërimeve që ekspertët shqiptarë të hetimit kanë marrë për akte terroriste. Rrethanat e vdekjes së një shtetasi iranian dhe disa të plagosurve të tjerë gjatë aksionit policor duhet të zbardhen sa më parë, në mënyrë të pavarur dhe të plotë.
Vlerësoj se çdo tentative për të cenuar sigurinë dhe stabilitetin e Shqipërisë janë çështje të panegociueshme dhe aspak të justifikueshme, aq më pak me pretekstin se, strehimi i organizatës, financohet nga qeveria amerikane…
Shqipëria është vend anëtar i NATO -s dhe SHBA janë aleatët më strategjik tonë në luftën kundër krimit kibernetik, terrorizmit dhe cënimit të demokracisë.
Discussion about this post