Gazetari i njohur sportiv, Dëfrim Methasani ka kryer një operacion të komplikuar të polipeve në rrugët respiratorë, që ka zgjatur rreth 4 orë.
Mësohet se për fat të mirë ky operacion ka përfunduar me sukses dhe se Methasani është në gjendje të qëndrueshme.
Ai është një gazetar mjaft i njohur në futbollin shqiptar, pasi prej shumë vitesh punon në Radio Televizionin Shqiptar dhe ka një kontribut të madh në promovimin e sportit në vendin tonë.
Më parë Methasani është vlerësuar me çmimin e “Qytetar Nderi” në Dibër për kontributin e tij si gazetar sportiv./Gijotina.com
