Partia më e madhe opozitare në Maqedoninë e Veriut VMRO-DPMNE do të kërkojë ndryshimin e emërtimeve të rrugëve të kryeqytetit Shkup, të cilat mbajnë emra shqiptarë.
Sipas mediave, shumica e asamblesë së bashkisë së Shkupit ka votuar për dërgimin e kërkesës në parlament për ndryshimin e emrave të rrugëve Hasan Prishtina, Ismail Kadare, Ernest Koliqi etj. Publiku shqiptar në Maqedoninë e Veriut është revoltuar pas lajmit se për këtë gjë ka votuar pro dhe n/kryetarja e bashkisë së Shkupit Bujare Abazi, pjesëtare e partisë Aleanca Shqiptare, që është në bllokun opozitar me VMRO-DPMNE.
Por, Abazi e përgënjeshtroi më pas se ka votuar pro heqjes së emrave shqiptarë në disa rrugë të Shkupit. Pritet që ky propozim të diskutohet në seancën e parë të parlamentit maqedonas për vitin e ardhshëm ku do të votohet emërimi ose jo i kabinetit të ri qeveritar. Dimitar Kovaçesvski, kryetari i LSDM-së u mandatua sot nga presidenti Stevo Pendarovski për të formuar qeverinë e re.
Discussion about this post