Kreu i Partisë Demokratike, Sali Berisha do t’i japë Partisë së Lirisë 3 ulëse në Kuvend, duke i qëndruar kështu besnik Ilir Metës.
Mësohet se nisma vjen në një moment me rëndësi për PL-në, pasi me 3 deputetët demokratë që do i japë ‘hua’ Berisha, mund të krijojë grupin e vet parlamentar.
Në një intervistë televizive, Sekretari i Përgjithshëm i Partisë së Lirisë, Tedi Blushi, u shpreh se ky kalim i 3 deputetëve ishte një dakordësi e hershme.
”Ne kemi renë dakord që në rast se forca jonë politike nuk do kalonte pragun prej 7 deputetësh të domosdoshëm për krijimin e grupit parlamentar atëherë do marrim tre deputet nga Partia Demokratike në mënyrë që te jemi gjithashtu një zë i rëndësishëm në Kuvendin e ri. Të jeni të sigurt që zëri i zotit Meta do dëgjohet fuqishëm në Kuvendin e ri në çdo seancë dhe në çdo mbledhje të komisioneve parlamentare”, tha Blushi.
Për të krijuar një grup parlamentar duhen së paku 7 deputetë dhe demokratët janë të gatshëm që të njëjtën praktikë ta ndjekin edhe me aleatët e tjerë për të marrë bonuset që jep rregullorja e Kuvendit ku deputetët e Partisë Demokratike do të transferohen drejt aleatëve të tjerë që Sali Berisha i strehoi në listë si Mediu, Dule dhe deputeti i Dukës, duke bërë që në legjislaturën e re opozita të ketë më së paku tre grupe parlamentare.
Discussion about this post