Deputetja socialiste Klotilda Bushka tha në emisionin “Real Story” se opozita do të mbajë mbi supe kostot nëse i rikthehet metodave të vjetra duke bllokuar seancat e Kuvendit, bojkotuar apo duke bërë zhurmë.
Bushka tha se opozita në Kuvend përfaqësohet nga ata deputetë që i njeh si të tillë KQZ-ja.
E ndërsa opozita ka paralajmëruar për një betejë të fortë parlamentare, Bushka tha se uronte që deputetët të ndërgjegjësohen dhe mos aplikonin metodat e vjetra.
“Opozita duhet të zgjedhë të gjitha mjetet demokratike për të realizuar qëllimet e saj. Nëse nuk zgjedh këtë rrugë, atëherë do të mbajë përgjegjësi”, tha Bushka.
Sipas saj, opozita situatën e vështirë ku ndodhet nuk mund ta zgjidhë duke bllokuar Kuvendin.
Discussion about this post