Cristiano Ronaldo ka dhuruar paraqitje të mira me skuadrën e Manchester United këtë sezon teksa e ka gjetur shpesh herë rrugën e rrjetës. Megjithatë skuadra e ka shfaqur shumë problematika dhe rrezikon të mos kualifikohet në Champions për sezonin e ardhshëm.
Kjo nuk mund të tolerohet aspak nga luzitani i cili ka gati planin B. Mësohet se 36 vjeçari do të largohet nga skuadra angleze pasi nuk mund të pranojë të luajë në një tjetër kompeticion europian të cilën ai e konsideron si jo të nivelit të tij.
Në skenë për të siguruar shërbimet e Ronaldos janë plot 5 skuadra.
Manchester City ka shumë mangësi në sulm pas largimit të Agueros dhe do të dëshironte transferimin e Cristiano Ronaldos.
PSG ka transferuar të gjithë yjet në skuadër por një dëshirë e Ronaldos për të luajtur me francezët natyrisht që do të pranohej nga rekordmenët e Ligue 1.
Real Madrid mbetet një opsion i vyer për luzitanin nëse largohet nga United. Ronaldo ka kaluar shumë vite të mrekullueshme tek spanjollët ku ka fituar gjithçka në rang klubesh dhe individualisht.
Skuadra e Inter Miami është në listën e opsioneve të mundshme për të firmosur me Cristiano Ronaldon, destinacion që do të preferohej nga luzitani për të mbyllur karrierën e lavdishme.
Sporting Lisbonë ka një koefiçent më të ulet për të transferuar Ronaldon. Mamaja e portugezit ka theksuar pak kohë më parë se do të dëshironte që Ronaldo ta mbyllë karrierën atje ku hodhi hapat e para në futbollin profesionist.
Discussion about this post