Afati kalimtar i verës po shkon drejt fundit, por klubet e mëdha angleze ende po punojnë për disa marrëveshje të bujshme.
Sipas “BBC Sport”, Julian Alvarez, Enzo Fernandez, Cody Gakpo dhe Ismaila Sarr mund të jenë protagonistë të orëve të fundit të merkatos.
Alvarez dëshiron të largohet nga Atletico Madrid dhe Barcelona e Arsenal janë në garë, ndërsa klubi spanjoll kërkon rreth 150 milionë euro.
Në Angli, Manchester City po tenton të bindë Chelsean për Enzo Fernandez, ndërsa mungesa e tij ndaj Brightonit ka shtuar spekulimet.
Nëse argjentinasi largohet, Chelsea mund të hidhet në sulm për Lamine Camara të Monacos.
Ndërkohë, Manchester City ka hapur bisedimet me Liverpoolin për Cody Gakpon dhe është gati të ofrojë rreth 85 milionë paund.
Tottenham gjithashtu interesohet për holandezin, por Liverpooli nuk dëshiron ta shesë pa gjetur më parë një zëvendësues.
Nëse Gakpo largohet, “Reds” kanë kthyer vëmendjen te Ismaila Sarr i Crystal Palace.
Tottenham dhe Everton po negociojnë gjithashtu një marrëveshje të bujshme, me Iliman Ndiaye që mund të shkojë në Londër dhe Richarlison të rikthehet te Evertoni.
Evertoni është pranë huazimit të Jack Grealish nga Manchester City, me anglezin që e preferon rikthimin në klub.
Ndërkohë, Newcastle vazhdon të interesohet për talentin e Lille, Matias Fernandez-Pardo.
21-vjeçari është lënë jashtë skuadrës nga Lille, duke shtuar dyshimet për një largim të mundshëm.
Manchester United po shqyrton gjithashtu të ardhmen e Joshua Zirkzee, me Fiorentinën që kërkon huazimin e sulmuesit holandez.
Orët e fundit të merkatos premtojnë lëvizje të mëdha, me disa prej emrave më të njohur të Premier League që mund të ndryshojnë fanellë.
Discussion about this post