Protestuesit u mblodhën si zakonisht në sheshin ‘Skënderbej’ në kryeqytet për të nisur marshimin drejt godinës së Kryeministrisë, ku dhe janë pozicionuar.
Pas bllokimin të Rinasit një ditë më parë, 3 persona janë deklaruar si nismëtarë të protestës, të njohur edhe nga policia. Ata janë Luçiana Kokaj nga Rrjolli, Arben Kola nga Kukësi dhe Arlinda Lleshi nga Lezha. Megjithatë, prej tyre foli vetëm Kola.
Për të shmangur ngjarjen e mbrëmjes së shkuar, ai tha se do të udhëheqë edhe marshimin e mbrëmjes së sotme duke përdorur si pikë referimi një pankartë për studentët. Sipas ‘nismëtarëve’, nuk kanë asnjë qëllim për të bllokuar rrugën drejt aeroportit, por fajin për këtë ia lanë gjeneratës Z.
Tashmë, marshimet nuk do të jenë më jashtë Unazës së Madhe.
Thirrjet ‘Rama në burg, Berisha në burg’ dominuan sërish fjalimet e qytetarëve të zakonshëm, ku kërkuan dorëheqjen e tyre e deri edhe konfiskimin e pasurisë.
“Berisha, të lutem, jep dorëheqjen si kryetar i PD. Ik ti i pari që të të ndjekë edhe tjetri. Nëse e do me të vërtetë këtë protestë, nëse do me të vërtetë që Shqipëria të bëhet mirë, ik ti i pari!”, tha një emigrant.
Ndërsa një tjetër protestues kërkoi që rezistenca të vijojë.
“Ne do t’i japim rotacionin politik këtij vendi, ju lutem mos na braktisni”, u tha ai të pranishmëve.
gijotina.com/
Discussion about this post