Humbi kontrollin e skafit dhe ra në ujë, mbytet në liqenin e Ulzës në Mat 37-vjeçari

Një 37-vjeçar ka ndërruar jetë pasditen e sotme në Mat, pasi humbi kontrollin e mjetit lundrues dhe u mbyt në ujërat e liqenit të Ulzës.

Mat / Informacion paraprak

Rreth orës 18:20, Salla Operative e Komisariatit të Policisë Mat ka marrë njoftim se shtetasi A. Z.,  37 vjeç, banues në Laç, dyshohet se, duke drejtuar një mjet lundrues në liqenin e Ulzës, ka humbur kontrollin mbi drejtimin e tij dhe ka rënë në ujë. Më pas, në tentativë për të kapur sërish mjetin lundrues, dyshohet se është mbytur.

Janë njoftuar polumbarët e RENEA-s, për gjetjen e 37-vjeçarit, ndërsa shërbimet e Komisariatit të Policisë Mat, së bashku me grupin hetimor, ndodhen në vendngjarje dhe po punojnë për sqarimin e plotë të rrethanave të ngjarjes.

gijotina.com/