Trajneri i skuadrës së Tiranës, Orges Shehi ka analizuar situatën tek bardheblutë, eliminimin në kupë, aleancat dhe shanset për titull.
“Është një humbje që të lë shije të hidhur, por nuk na lë të mërzitur për atë çka dhamë në fushën e lojës me Dinamon, në ato dy ndeshje përveç 45 minutave që nuk ishim ne.
Më vjen keq që u eliminuam për djersën që derdhëm në fushë, unë mendoj se jemi të lodhur nga muskujt, por jemi të forte nga ana psikologjike. Me këtë ritëm duhet të vazhdojmë, me këtë moto.
Aleancat? Ne jetojmë në Shqipëri dhe këtu e kanë zakon të venë bishte, madje bishtin i vendosin bishtit. Nuk kam kohë për familjarët e miqtë dhe nuk i vë re këtyre bishtave. Gjë e mire që të përgojohesh nuk është pasi futbolli është produkt i joni, ne që luajmë dhe ata që shohin. Te ne nuk ndikon, pasi kemi lojtarë me karakter, por fjalët më të mira në stërvitje dhe ndeshje.
Na pret një ndeshje e rëndësishme përballë një kundërshtari që ka ecuri dhe është i dyti. Të luash 120 minuta dhe të luash mbrapa nuk nisesh i barabartë. Na ndajnë dhe 3 ditë nga ndeshja, këtu duhet të fokusohemi. Nga ana psikologjike nuk jemi rendë, të gjithë e kanë kuptuar atë që kanë bërë, më kanë bërë krenar.
Nuk mendoj që kemi kushte, jemi skuadër e ndërtuar këtë vit, me kujdes dhe përkushtim si nga drejtuesit nga stafi teknik. Nuk është qëllimi për këtë vit, por të kemi vazhdimësi. Është shpejt për të folur për objektiva, por duhet të vazhdojmë me këtë ritëm, të kemi vazhdimësi”, tha Shehi.
Discussion about this post