Deputetja e PD, Oriola Pampuri është shprehur sot shumë e revoltuar ndaj deklaratës së Ramës për energjinë elektrike. Përmes një postimi në Facebok ajo shkruan se më këtë veprim qeveria tregon shumë hapur që mbështet oligarkët dhe u kthen shpinën qytetarëve.
Ajo përmendi rastet ku shumë qytetarë janë arrestuar për shkak se nuk kanë mundur të paguajnë energjinë elektrike, duke e cilësuar si fakt të një qeverie oligarkësh.
“Sa kryefamiljare janë dënuar për mospagim të energjisë elektrike? Por askush nuk pyeti për ta! Ndërsa në vijim qytetaret e këtij vendi do të përballen me çmim me të lartë të energjisë, naftës dhe bukës, pra shqiptaret duhet te përballen me nevojën për mbijetese, prej korrupsionit, papërgjegjshmërisë dhe zhvatjes së paprecedente të buxhetit të shtetit nga qeveria qe nuk punoi qoftë dhe një ditë të vetme për këtë vend. Ajo që diti të bëjë me mire ishte te pasuronte disa oligarkë, klientë besnike pranë qeverise, të përllogariste çdo qindarke dhe mekanizëm se blerjes së votës, për te manipuluar vullnetin e qytetareve”, shkruan ajo.
Sipas Pampurit, Rama i dha goditjen e fundit familjeve në nevojë , pas rritjes që bëri me çmimin e bukë dhe karburantit.
“Familjet në nevoje do ta ndjejnë më shumë se askush rritjen e çmimit te bukës, pasi beteja e përditshme tyre është për bukën e gojës. Ne fund te fundit, Edi Rama i bleu me çdo çmim e çdo forme qytetaret me 25 Prill, pikërisht për të rimarrë mbrapsht gjithçka, deri ‘frymën’ e qytetareve të këtij vendi. Kjo është e vërteta”, tha ajo.
Shumë deputet të PD kanë ngritur sot alarmin për deklaratën e kryeministrit duke thënë se kjo gjë pritej pasi Rama bleu mandatin e tretë me para dhe presion.
