OSBE në Kuvend për reformën zgjedhore, takim me Gjiknurin e Alibeajn

Përfaqësues të OSBE kanë mbërritur mëngjesin e së martës në kryesinë e Kuvendit ku pritet të zhvillojnë një takim me deputetin e PS, Damian Gjiknuri.

Sot pritet që në orën 14:00 të ketë takim edhe me nënkryetarin e PD, Enkelejd Alibeaj.

Ky takim vjen një ditë pasi dy bashkëkryetarët e komisionit të posaçëm të reformës zgjedhore i dërguan një letër OSBE ku kërkonin asistencë me ekspertë në komision.

Mandati komisionit të posaçëm të reformës zgjedhore përfundon në muajin mars.

Grupi Parlamentar i PD-së, përmes një shkrese që mban firmën e Gamzent Bardhit, i ka kërkuar Kuvendit që të zëvendësojë anëtarët e opozitës në Komisionin për Reformën Zgjedhore. Shkresa e Bardhit është hedhur në kosh nga mazhoranca e Edi Ramës, i cili po përdor në lojën e tij Lulzim Bashën.

Ky i fundit përfaqësohet në komisionin e posaçëm me Enkelejd Alibeajn, deputetin që e emëroi si kryetar të përkohshëm të PD-së, deri në momentin që vendosi të rikthehej sërisht vetë si kryetar të asaj që njihet si PD e vulës.