Çuditë në “Për’puthen” nuk kanë të ndaluar.
Ditën e sotme, në emision, është publikuar një video që Alvisa i ka dhënë produksionit, ku është shantazhuar për të lënë emisionin dhe të ndërpresë në mes njohjen me Bashkimin. Në video mund të shikohet qartazi Alvisa dhe Bashkimi, të cilët ndodhen në një cep pallati duke biseduar.
“Kanë qenë ditë shumë të vështira. Më kanë ardhur disa video që kam qenë unë me Bashkimin dhe më kanë thënë ose duhet të lësh emisionin, ose do t’i publikojmë. Nuk mund ta vazhdoj dot më.” – thotë Alvisa
Ndërsa kur është pyetur nga moderatorja, Bora Zemani, nëse do të donte të vazhdonte takimin me Bashkimin, ajo është shprehur se ka shumë pëlqim dhe do të deklarohet për të, por nuk do të vihet nën presion.
“Është një nga arsyet. Kam pëlqim për Bashkimin është thënë, jam gati për të deklaruar, por nuk dua të vihem në presion dhe dua t’i bëj gjërat kur unë i ndjej. Nuk jam e sigurt nëse duhet të deklarohem tani, dua të marr vendime shumë të sakta për jetën time dhe nuk dua të bëj gabime që më herët i kam bërë.”- shprehet Alvisa.
Bashkimi tha se arsyeja e këtij takimi, ishte sepse kishte një pëlqim për Alvisën, dhe sipas tij, kjo gjë nuk do të ndodhte nëse nuk do të ndjente gjë për të.
“E kam fajin edhe unë, sepse unë isha ai që e kërkova. Atë faj e marr unë përsipër. Është për Alvisën se kam pëlqim, nuk do e bëja me një person që nuk ka një gjë reale. Kjo ka ndodhur kur kam ardhur nga Amerika dhe kisha kohë që se kisha parë.”– thotë Bashkimi.
Gjatë diskutimit, Alvisa u shpreh e shqetësuar për videot dhe kërkoi që të lërë emisionin.
Discussion about this post