Operatori i Shpërndarjes së Energjisë Elektrik ka njoftuar se ditën e nesërme do të ketë shkëputje të energjisë elektrike në disa zona të kryeqytetit. Sipas njoftimit, bëhet fjalë për 15 lagje, në të cilat nuk do të ketë drita nga ora 9 e mëngjesit deri rreth orës 12 të drekës.
OSHEE bënë me dije se kjo shkëputje do të bëhet për shkak të disa riparimeve që po kryhen në një kabinë transmetuese. “Njoftohet se për shkak të një avarie në transformatorin e NST Farkë, në intervalin kohor 09:20-11:20 do të stakohet energjia në fiderat 20kV të NST Farkë. Pa energji do të mbeten këto zona në Tiranë: Komuna Farkë (Pallatet pranë kopshtit Botanik), Stallat Sauk, TEG, Lundër, Vilat; Natyra e Qetë, Mjull Bathore, Akacia Hills, rruga “Ullishtja”, zona pranë Liqenit të Farkës, Rezidencat Italiane, Zona Konvikti 4 rreth Qytetit Studentit, Amfiteatri, Parku i Lorjave të liqenit, pjeserisht Mullet, Fikas”, thuhet në njoftim. Ndër të tjera bëhet me dije se po punohet për të rikthyer energjinë elektrike edhe në ato zona që ka pasur defekte për shkak të motit të keq.
Discussion about this post