Ditën e sotme, presidentja e Kosovës Vjosa Osmani, ka mbajtur një konferencë për medit ku gjatë saj si udhëheqëse e politikës së jashtme ka deklaruar se aplikimi i Kosovës në Këshillin e Europës do të mbahet këtë vit.
“Si udhëheqëse e politikës së jashtme kam kërkuar që të merren të gjitha masat dhe të gjitha përgatitjet që të aplikojmë sivjet për anëtarësim në Këshillin e Europës”.
Gjithashtu nga ana tjetër ajo ka shtuar se, tanimë janë në fazën e fundit të përgatitjeve për aplikim, por të kihet parasysh që në Këshillin e Europës, shteteve ju është dashur kohë e ndryshme, nga momenti i dërgimit të aplikacionit deri te miratimi.
“Jemi në fazën e fundit të përgatitjeve për aplikim, por ta keni parasysh që në Këshillin e Europës, shteteve të ndryshme ju është dashur kohë e ndryshme, nga momenti i dërgimit të aplikacionit deri te miratimi, anëtarësimi. Për dikë ka zgjatur 1 vjet për dikë 5 vite, ne po punojmë me parterët tanë që jo periudhë kohore të jetë sa më e shkurtë”.
Ndërsa, sa i përket apliklimit për anëtarësim në NATO, Osmani ka thënë se kjo është më e vështirë për tu arritur.
Discussion about this post