Presidentja e Kosovës, Vjosa Osmani, është duke marrë pjesë në Samitin e vendeve të Evropës Juglindore që po mbahet në Mal të Zi.
Në këtë takim po merr pjesë edhe presidenti i Shqipërisë, Bajram Begaj dhe ministri i Jashtëm i Serbisë, Ivica Daçiç.
Osmani në një postim në Facebook ka shkruar se po qëndron në Podgoricë për të rikonfirmuar angazhimin e Kosovës për paqe dhe stabilitet.
“Krahas liderëve dhe përfaqësuesve të tjerë të Evropës Juglindore, jam në Podgoricë për t’i rikonfirmuar përpjekjet e vazhdueshme të Kosovës për paqe dhe stabilitet të qëndrueshëm, si dhe angazhimin tonë për një të ardhme më të sigurt brenda institucioneve euroatlantike”, ka shkruar Osmani.
Përgëzoj Malin e Zi dhe Presidentin Jakov Milatoviç për kryesimin e suksesshëm të Procesit të sivjetmë të bashkëpunimit të Evropës Juglindore”, shprehet ajo.
Discussion about this post