Marrëdhënia diplomatike mes Serbisë dhe Kosovës sa vjen e tensionohet dhe kjo bazuar në akuzat e ndërsjellta mes zyrtarëve të dy vendeve.
Presidentja e Kosovës ,Vjosa Osmani ka bërë një tjetër deklaratë ku përforcon sërish qëndrimin e saj, lidhur me akuzat se Serbia lobon mosnjohjen e Kosovës si shtet të pavarur.
Osmani ka thënë se Serbia u ka ofruar disa vendeve afrikane vaksina ruse me kusht që të mos njohin pavarësinë e Kosovës.
Të tilla deklarata. Osmani i bëri në Forumin Ndërkombëtar të Sigurisë Halifax ,që po mbahet në Kanada ku tha se vendet autokrate si Rusia kanë abuzuar me situatën e pandemisë dhe shpërndarjen e vaksinave.
“Rusia ka dërguar shumë vaksina ruse në Serbi. Serbia është e interesuar që ta luftojë Pavarësinë e Kosovës, derisa shumë vende në Afrikë nuk kishin vaksina. Serbia ka përdorur vaksinat ruse duke i dërguar në disa vende në Afrikë duke iu thënë se do t’iu japim vaksina nëse do ta çnjihni Kosovën.
Ata thonë që kjo ka funksionuar, por ne nuk kemi asnjë njoftim zyrtar nga asnjë nga këto vende në Afrikë që po e çnjohin Kosovën. Kjo bëri vende si Rusia dhe Serbia që janë me regjime autokrate të dukeshin mirë, sepse shumë vende që vërtet kishin nevojë për ndihmë si disa vende në Afrikë dhe Azi ishin duke u përpjekur që të siguronin vaksina të mjaftueshme”.- tha Osmani.
Discussion about this post