Drejtoria Rajonale e OSSH Tiranë është institucioni që ka abuzuar me tenderët dhe ka shpenzuar pa kriter paratë që duhet të shkonin për investime. Përmes një ankesë të dorëzuar pranë KPP, kompania “PE – VLA – KU” ka denoncuar shkeljet që ka bërë OSSH në tenderin prej 1 milionë dollarësh. Në dokumentin e publikuar, evidentohet se bëhet fjalë për tenderin me objekt “Blerje matësa elektronike njëfazor” me fond limit rreth 1.078.792.00 lekë.
Kompania në fjalë ka renditur një sërë shkelje në ankesën dërguar Komisionit të Prokurimit Publik. Por le t’ia fillojmë në nga skema e thurur në mënyrë që tenderin ta fitonte kompania e pikasur nga vetë OSSH dhe jo operatori që e meritonte. Konkretisht, në ankesë thuhet se në dokumentin e tenderit ishin vendosur kritere, të cilat ligji i përjashton për shkak se cenojnë konkurrencën, por OSSH i kishte renditur si primare. “Është në shkelje flagrante të ligjit vendosja e kritereve të kota ( luksi) me qëllim që tenderin ta fitojë kompania e paravendosur. Madje, pjesa më e madhe e kritereve janë vendosur në mënyrë të panevojshme dhe që nuk ndikojnë në funksionimin e matësit”, thuhet në ankesë.
Ankimuesi thotë se një nga kriteret që ai e konsideron qesharak, është që kërkon matës smart për leximin në distancë dhe jo për matës të thjeshtë, kur në fakt çmimi nuk përputhet. Pika tjetër është kërkesa që matësi të përmbajë tre ndërfaqe komunikimi, ku sipas ankimuesit nuk është i nevojshëm, pasi nuk ndikon në cilësinë e matësit. Këto 2 kriteret dhe shumë të tjera, kanë përjashtuar mënyrë të padrejtë kompanitë e tjera nga gara, duke lënë si opsion vetëm kompaninë që iu fal tenderi në fjalë.
Abuzim me fondin
Ndër të tjera ankimuesi shprehet se OSSH ka abuzuat edhe me fondin limit. Së pari ai pretendon se për këtë lloj shërbimi mjaftojnë më pak se 1 milionë dollarë. Ndërsa shkelja tjetër është që u shpall fituese kompania e cila kishte paraqitur ofertën më të lartë, gati sa 98% e fondit limit. Prandaj në përfundimi, kompania “PE – VLA – KU” kërkon që të rishikohet vendosja e kritereve në dokumentacion dhe gjithashtu të rishikohet vendosja e fondit limit. E.H/ Gijotina.com/
Discussion about this post