Vendi ynë është përfshirë në një krizë të thellë energjetike, që po dëmton shumë konsumatorët. Të gjitha faktet tregojnë se kjo krizë erdhi për shkak të keqmenaxhimit nga institucionet përgjegjëse, ndërsa OST si të vetmin justifikim ka dhënë faktin që ndodhen në krizë si e gjithë bota. Le ta marrim si të mirëqenë që OST ndodhen në krizë për energjinë dhe nga ana financiare, atëherë nga i gjejnë paratë për tenderë qesharakë.
Ky tender është bërë në shkelje të ligjit dhe këto janë denoncuar nga operatorët pjesëmarrëse në garë përmes një ankese në Komisionin e Prokurimit Publik. Kompania “Colombo” Sh.p.k ka deklaruar se tenderi mbi 2.3 milionë lekë me objekt “Tonera dhe aksesorë për pajisje printimi multifunksionale” ka aplikuar kritere diskriminuese dhe që përjashtojnë nga gara qëllimisht konkurruesit, për t’ia falur tenderin një kompanie të privilegjuar.
Konkretisht, ankimuesi sqaron se, një nga kriteret ishte që garuesi duhet të dorëzojë një dokument se është i autorizuar nga prodhuesi për kompaninë e markave prodhuese Konica Minolta. Kështu në ankesë thuhet se ky kriter është diskriminues dhe cenon konkurrencën.
Më tutje theksohet se ky kriter e kushtëzon konkurrencën dhe përjashton në mënyrë jo ligjore disa konkurrentë, në përfundim fara është mbyllur vetëm me një ofertë. Madje, kështu është konstatuar një tjetër shkelje, pasi kompania fituese ka paraqitur ofertë shumë të lartë, sa 97% e fondit limit.
Discussion about this post