Kryeministri Edi Rama, ka folur sot në serinë “Sy m’sy” në lidhje e arrestimin e kryetarit të Bashkisë Tiranë Erion Veliaj.
” Jeni të sigurt që e dimë të gjithë ne ndryshimin mes të dyshuarit dhe të pandehurit?
I dyshuari është dikush për të cilin edhe vetë prokuroria e di që nuk ka prova për të kërkuar burgosjen e tij.
I pandehuri është dikush për të cilin prokurori kërkon burg sepse ka prova dhe duhet të nisë gjyqi.
A e dini që kryebashkiaku i Tiranës nuk është i pandehur? Pra edhe vetë prokurori nuk kërkoj nisjen e gjyqit sepse nuk ka prova, por dyshime bazuar në prova të pamjaftueshme, këtë tregon statusi i Veliajt sot. Unë nuk e kam dosjen, por kam kërkuar qoftë një provë sa do të vogël mbi të cilën bazohen”, tha ai.
Rama u shpreh se “pa të dhe PS nuk do kishte SPAK”, teksa theksoi se “bufi i kënetës”, duke iu referuar Sali Berishës, kërkon votën që “ta shkrijë SPAK”, siç e tha edhe dje në konferencë.
“Pa Edi Ramën dhe PS nuk ka SPAK. Sepse bufi i kënetës e thotë në mënyrë deklaratave më jepni votën që ta shkrij spak. Pra, nëse spak nuk e garanton kjo kocka këtu dhe PS bashkë me mua, nuk mund të garantojnë pellgaçet përreth dhe partickat që kanë të re vetëm pronarin e tyre, sepse kanë të njëjtën metodë e sjellje si ajo e bufit të kënetës, janë si mrokulla të vogla. I bëjnë temena SPAK se do i heqi kundërshtarët, e këta do rriten. Sepse është lis i madh PS, është lis i madh, nuk hiqet kollaj”, u shpreh ai.
Lexo edhe (Deklaratat e tjera të kryeministrit):
- Rama orienton lëvizjet e SPAK: Pse nuk ka urgjencë për janarin?
- Rama replika me qytetarët: Këtij vendi një njeri anormal i duhet
- Rama shfaqet i acaruar: Me ç’të drejtë SPAK u merr telefonat sipërmarrësve?!
- Rama vazhdon me kritika ndaj GJKKO: Prokurori ka të drejtë të çmendet, por gjykatësi…
- Rama i afrohet kamerës dhe paralajmëron Berishën: Do ta shohësh!
Discussion about this post