Ministri i Mbrojtjes i Izraelit, Yoav Gallant thotë se ka urdhëruar një “bllokadë të plotë” në Rripin e Gazës: “Jo energji elektrike, ushqim e as karburant”.
Izraeli kontrollon hapësirën ajrore mbi Gazën dhe vijën e saj bregdetare dhe kufizon se kush dhe çfarë mallrash lejohen të hyjnë dhe të dalin nëpër pikat e tij kufitare.
Në mënyrë të ngjashme, Egjipti kontrollon se kush kalon brenda dhe jashtë kufirit të tij me Gazën.
Dhe urdhri vjen në kohën kur Forcat e Mbrojtjes të Izraelit thonë se sirenat e sulmit ajror po bien tani në Jerusalem dhe në të gjithë Izraelin, ndërsa raketat janë lëshuar nga Gaza.
Ndërkohë bëhet e ditur se të paktën tre shpërthime janë dëgjuar në Jerusalem.
Nuk është ende e qartë nëse këto janë raketa që kanë goditur caqet apo janë kapur nga mbrojtja izraelite.
Ushtria izraelite ka thënë më herët se ka marrë përsëri kontrollin e komuniteteve pranë Rripit të Gazës që ishin “pushtuar” nga Hamasi, sipas një zëdhënësi të Forcave të Mbrojtjes izraelite.
“Ne kemi kontroll të plotë të komuniteteve” në jug të Izraelit, tha gjenerali Daniel Hagari gjatë një konference për shtyp në televizion, pas tre ditësh luftimesh të ashpra.
“Megjithatë, mund të ketë ende terroristë në zonë”, shtoi ai.
Discussion about this post