Gazetari i njohur Artan Hoxha ka treguar se Ramazan Rraja, nipi deputeti të PS, Rrahman Rraja është liruar nga burgu vetëm disa orë pas ndalimit të tij ditën e djeshme, pa zhurmë mediatike.
Në një intervistë për ABC, Hoxha deklaroi se Ramazan Rraja ishte shpallur në kërkim policor pas masakrës së Fushë Krujës dhe është ndaluar për tu marrë në pyetje. Hoxha shtoi se ai është lënë i lirë sepse nuk ka urdhër ndalimi për të.
Artan Hoxha: Operacioni i djeshëm nuk ka qenë i rastësishëm. Së fundmi kemi parë ngjarje të rënda në Shqipëri që janë pa autor. Sa herë Policia heq makinat e blinduara, rritet numri i vrasjeve. Patëm atentate ato kohë kur u ndaluan se kapeshin më kollaj. Makina që lëviznin Rrajat ishte në mbikqyrje. Dje janë ndaluar dhe 2 mjete të tjera të blinduara. Nuk ka thënë Policia se të kujt janë. Ramazan Rraja është shpallur në kërkim policor pas masakrës së Fushë Krujës. Nuk është paraqitur për atë ngjarje. Kam qenë në të njëjtin avion me Ramazan Rrajën nga Dubai në Rinas. Nuk u ndalua në Rinas dhe priti derisa e mori Policia e Fushë Krujës, e ka çuar në stacionin e Policisë. Ka dhënë deklarimin dhe është liruar në mbrëmje. Nga ai moment, kërkimi për të u hoq në mbrëmjen e 13 tetorit. Unë di që është pyetur për ngjarje shumë të rënda, por ai është lënë i lirë sepse nuk ka urdhër ndalimi. Ka dalë mbrëmë në darkë, ka qenë i lirë, kam komunikuar me të. Mund t’i ketë mbajtur telefonin se nuk ishte i njëjti si gjithmonë. Njerëzit e tij ishin të shqetësuar dje sepse dyshonin që ndalimi i tij nuk është bërë thjesht për mjetin e blinduar. Doli dhe nuk u bë zhurmë fare.
Discussion about this post