Pacientët korridoreve, Manastirliu fal pa garë 326 mln lekë për zyra

2 javë më parë

Tre kompani ka paguar Ogerta Manastirliu për të mobiluar zyrat e QSUT, pagesat e të cilëve kalojnë fondin limit të përcaktuar fillimisht për këtë shërbim. Ministrja e Shëndetësisë iu falë  326 milionë lekë oligarkëve të mëdhenj për mobilie, në një kohë ku çdo ditë përballemi me denoncime rreth kushteve skandaloze për dhomat e pacientëve në spitale. Madje pak kohë më parë një këshilltar austriak denoncoi mungesën e higjienës dhe medikamenteve te Spitali i Traumës. Asaj kohe Manastirliu tha se, kaq mundet të bëjë qeveria në këto vite qeverisje, pasi sikur duket paratë i çon për zyrat e drejtoreshës. Bëhet fjalë për tenderin me objekt “Blerje orendi dhe paisje për mobilim zyrash për Qendrën Spitalore Universitare Nënë Tereza”, gara për të cilin është hapur me  4 prill dhe ditën e sotme është shpallur fituesi. Në dokumentet e publikuara vihet re se fondi limit i vënë në dispozicion për këtë është  147. 864. 532,00 lekë  dhe në garë kanë marrë pjesë 7 kompani. Por, 4 prej tyre Manastirliu i ka skualfikuar automatikisht me justifikimin se nuk kanë paraqitur në kohë certifikatën e “Kapaciteteve Teknike”, e cila përcakton cilësinë dhe sasinë e malli si dhe të dhëna të tjera. Kështu në garë kanë mbetur vetëm 3 kompani, saktësisht: RO-AL” SH.P.K; “MUCA” SH.P.K  dhe  “ARDENO” SH.P.K.. Për të mos lënë bosh asnjërën prej tyre, ministrja ka firmosur dokumentin ku shpallen të tria fituese, pra pa u zhvilluar një garë sipas rregullave.

Kështu, “Open Data Albania” e ka renditur këtë tender në projektet me “Rad Flag”, pasi ka cenuar konkurrencën në treg. Sakaq, evidentojmë se këto kompani kanë paraqitur oferta nga 80 milionë lekë deri në 139 milionë lekë, pra gati sa 89% e fondit limit. Por, sërish janë shpallur fituese, edhe pse katër kompanitë e tjera kanë paraqitur oferta poshtë vlerë 129 milionë lekë. Këtu ministrja Manastirliu ka shkelur një tjetër pikë të ligjit të prokurimeve, atë të fondit limit, për të cilin rregulli kërkon që të pranohen ofertat më të lira në raport më vlerën e vendosur nga Autoriteti Kontraktues.

Sakaq, një tjetër shkelje që bie në sy është se vetëm për shërbim mobilimi të disa zyrave Manastirliu ka përfshirë 3 kompani, gjë e cila nuk ka ndodhur as në tenderë më të rëndësishëm si pastrim apo blerje medikamentesh. Kështu, duke kujtuar se të tre këto kompani kanë paraqitur oferta të shtrenjta rezultati në fund tregon se vlera e të gjithave bashkë e tejkalon fondin limit, madje është sa dyfishi i tyre.

Konkretisht, fondi limit kap vlerat 1.5 miliardë lekë, ndërsa ofertat e kompanive arrijnë në 326 milionë lekë të reja ose 3.2 miliardë lekë të vjetra. Pasi specifikisht: RO-AL” SH.P.K ka ofertën me vlerë 74,993,500 pa TVSH; “MUCA” SH.P.K ka ofertën me vlerë 111,821,900 pa TVSH dhe ARDENO” SH.P.K dhe 139,746,492 pa TVSH. Në këto kushte, ky tender është në shkelje të plotë të të gjitha pikave të ligjit për prokurimet, pasi janë ndryshuar të dhënat e dokumenteve gjatë rrugës dhe më keq akoma vlera e kontratës. Kjo kontratë është e nxirë në shkelje dhe pavarësisht ankesave të bëra në KPP, Manastirliu është lejuar të vazhdoj me procedurat e tenderit abuziv, që do t’i kushtojë miliarda lekë taksapaguesve shqiptar për mobilie/Esmeralda Hida/ Gijotina.com

Të ngjashme