Telashe në prag të sfidës ndaj Napolit për teknikun e Milanit, Stefano Pioli. (I njohur edhe me nofkën “Padre Pioli” ai rrjedhojë e ngjashmërisë pamore me priftin e famshëm, Padre Pio)
Një tjetër lojtar i rëndësishëm i ekipit kuqezi nuk do të jetë në dispozicion të trajnerit këtë fundjavë, në Serie A.
Nuk ka paqe për Zlatan Ibrahimovic. Në fakt, sulmuesi suedez u rikthye në selinë e kuqezinjve nga angazhimet e tij me kombëtaren duke u ankuar për dhimbje në kofshën e djathtë dhe kontrollet zbuluan një problem muskulor.
Për momentin nuk dihet ende shkalla e dëmtimit, as koha e rikuperimit. Zlatan do të vlerësohet nga java në javë për të kuptuar evoluimin e situatës.
E vetmja gjë e sigurt, për momentin, është se lojtari nuk do të jetë në dispozicion të Stefano Piolit menjëherë duke filluar nga ndeshja kundër Napolit të dielën në mbrëmje.
Pas Kalulu-s, pra, Milani humbet edhe Ibrahimovicin në funksion të angazhimeve të afërta të ardhshme në prill.
Një pllakë e rëndë për Piolin, i cili nuk do të mund të llogarisë më në përvojën dhe karizmën e Zlatan dhe në fushë do të duhet të mbështetet sërish vetëm te Giroud në qendër të sulmit.
Gjithashtu sepse për suedezin përshtypja është se mund të jetë një problem serioz që do ta mbajë atë larg fushës për të paktën disa javë përpara kontrolleve të mëtejshme dhe vlerësimeve të reja.
Discussion about this post