Lionel Messi ka nënshkruar një kontratë dy vjeçare me PSG këtë javë ku pagesa vjetore pritet ti kalojë 35m€ plus bonuset por duket se kjo nuk është gjithçka.
Paketa financiare e kontratës që Messi ka nënshkruar, përfshin gjithashtu përfitime edhe nga ‘bursat e kriptovalutave’ në formën e Fan Tokens, të gjeneruara së fundmi edhe nga platformat virtuale të PSG.
‘Fan Tokens’ janë një tip monedhe virtuale, që poseduesit e tyre mund ti përdorin për qëlime pagesash të ndryshme. Një pjesë e klubeve europiane, këtë mënyrë pagese e kanë inkorporuar edhe në rrjetet e tyre sociale dhe në platformat online.
Në këto platforma, shpeshherë klubet i drejtohen tifozëve të tyre për mendime ose vendime të ndryshme, ku të gjithë, duke paguar me këto monedha virtuale, mund të japin mendimin ose përzgjedhjen e tyre për një tematikë të caktuar.
Të gjitha këto të ardhura, akomulohen nga ‘portofolet virtuale’ të klubeve, për tu konvertuar më pas në para fizike transferohen arkat e financave të klubeve.
Nuk kishte si të mungonte edhe PSG në këtë ‘risi’ financiare, ku në Janar të vitit 2020 krijoi monedhën ‘The $PSG Fan Tokens’, me qëlimin që të përmirësojë akoma më shumë komunitetin e fansave të saj.
Afrimi i Messit ditët e fundit bëri që vlera e monedhës $PSG Fan Token të rritej vërtet shumë, duke fituar shumë pozicione në bursat virtuale.
Pikërisht mësohet se edhe kjo ka qënë pjesë e kontratës paraprake të Messit dhe klubit parisien, ku një pjesë e përqindjes së fitimeve nga ky vlerësim i monedhës virtuale te PSG do ti shkojë pikërisht argjentinasit, pa treguar se sa kjo përqindje do të jetë për gjashtë herë fituesin e të Topit të Artë.
Edhe vet presidenti i PSG Nasser Al-Khelaif raportoi që në momentet kur Messi po zyrtarizohej, se bota do të ‘shokohet’ nga të ardhurat që ky mega-transferim do të sjellë për klubin.
Argjentinasi u bë pjesë e Paris Saint-Germain si një agjent i lirë këtë të hënë, pasi Barcelona nuk mundi të kompletonte një kontratë afatgjatë për të, nën argumentin se rregullat e Fair-Play’t Financiar nuk e lejuan vazhdimin e këtij bashkëpunimi. /Gijotina.com
