Presidenti i Lazios, Claudio Lotito, foli këtë të martë për lëvizjen e Milinkovic-Savic në Arabinë Saudite.
Në një prononcim të bërë për mediat italiane, Lotito u shpreh se Al-Hilal duhet të paguajë sa më shpejt paratë ose ndryshe do ta humbasë transferimin e Sergej Milinkovic-Savic.
“Nëse kontrata nuk nënshkruhet dhe pagesa nuk bëhet, lojtari do të tërhiqet. Paguani paratë, shikoni devenë.
Nuk do ta kisha lejuar të largohej, por me sa duket 18 milionë euro në sezon janë stimuli i tij. Më thirri duke më lutur që ta lija të ikte.
U përpoqa disa herë ta bindja të qëndronte, u përpoqa ta mbaja deri në minutën e fundit, isha në dispozicion për t’i rinovuar kontratën dhe për t’ia rritur pagën, por Sergej më tha se donte të ndryshonte vend pas 8 vitesh me Lazion”-deklaroi Lotito./SSA
Discussion about this post