Këtë të shtunë në orën 16:45 Partizani do të ndeshet me Skënderbeun në ‘Air Albania’ për takimin e javës së 11 të Superligës.
Duke folur në prag të kësaj sfide trajneri i ‘Të kuqve’ të kryeqytetit, Ilir Daja u shpreh se ky takim do të jetë goxha i vështirë, duke njohur rivalitetin që ekziston mes tyre.
“Vijmë pas 3 javëve të mira, por edhe kundërshtari është në formë të mirë. Në këto 10 javë është vërtetuar se nuk ka ndeshje të lehta, pasi të gjitha ekipet kanë treguar forcën e tyre. Nesër na pret një ndeshje e vështirë. Nuk kemi bërë më të mirën në këto javë të fundit në aspektin e lojës, por kemi marrë pikë dhe kemi gjetur rrugën e fitores. Skënderbeu meriton respekt edhe në të kaluarën kemi hasur vështirësi. Kanë kundërsulm të frikshëm. Ne kemi punuar gjatë gjithë javës dhe mendoj që ta godasim Skënderbeun në pikat e tij të dobëta. Duhet durim që të arrihet, por do të synojmë fitoren Elementi kryesor është fryma e grupit. Kjo ekziston sepse me sakrificë dhe dëshirë lojtarët kanë arritur të kthejnë gjithçka në favor dhe kanë nxjerrë skuadrën nga kriza ku ishte futur.”-shtoi ai.
Më tej i pyetur për kthesën në rezultate pas fitores ndaj Teutës me rezultatin 2-1 ai shtoi: “Edhe unë kam festuar me lojtarët, por nuk u bashkova në fushë. Atë kthesë e bënë lojtarët, që besuan deri në fund. Ky grup duhet vlerësuar.”
Tekniku bëri me dije që tashmë grupi është i plotë dhe se skuadrës i janë kthyer lojtarët që prej kohësh qëndronin jashtë për shkak të dëmtimeve.
“Janë rikuperuar disa lojtarë. Rikthehet Kamara. Mungon Albion Marku për shkak pezullimi. Cardoso, Filipovic dhe Damçevski vazhdojnë të jenë të dëmtuar. Të tjerët janë në dispozicion. Kemi të gjithë lojtarët e duhur për të kaluar me sukses. Për Hoxhën do të vendosi sot trajneri i portierëve.”- tha Daja./K.T/Gijotina.com
Discussion about this post