Një pallat me 43 hyrje që është dëmtuar nga tërmeti në Durrës, rrezikon të shembet nga punimet që po bëhen në hyrje. Banorët e këtij pallati kanë dalë sërish në protestë para Bashkisë për këtë problematikë shqetësuese, teksa kanë kërkuar ndërprerjen e këtyre punimeve.
Ata shprehen se pallati i tyre i klasifikuar më shkallë dëmtimi DS3 akoma nuk është riparuar, ndërsa me nisjen e punimeve të një pallati të ri situata është bërë më e rëndë. Sakaq, kanë ngritur disa herë zërin, tek organet kopetente për të parë që gjendja është serioze, edhe pse këta të fundit, sipas tyre “s’e kanë vënë ujin në zjarr”.
“Kemi prit, ka 20 vite që presim, vetëm gënjeshtra, ja prit sa të hidhet fondi, sa të gjendet pronari, kujt tia japin tenderin, kujt sia japin tenderin. Jemi një grup nga ky pallat, kemi të njëjtin problem. Asnjëri nuk është përgjigjur, a janë të çmendur këta njerëz, të vijnë të shohin aty ca po bëhet me ne”, është shprehur njëri nga banorët.
Një tjetër është shprehur se gjykata i dha të drejtë firmës për të vazhduar punimet, pa parë minimalisht situatën. Ata i kanë humbur shpresat për drejtësinë në këtë vend, duke u shprehur se ligjërisht është e drejta e tyre për këtë rast, ndërsa në vend të drejtësisë luhet leku.
“Kishim dje vendimin që do pezullonte dje vendimin e firmës që do bënte rishikim të lejes e të gjithë, po zonja ka marrë lekët mesa duket domethënë nuk pijnë më ujë ato lekët që na kanë marrë me firma me ankesa me fotografi me video dhe pallati që po dëmtohet akoma më shumë, nga punimet që kanë bo zotërinjtë në fjalë edhe tha që rrëzohet kërkesa juaj, pa asnjë lloj arsyetimi logjik, po e heqim atë ligjor se tek ne nuk funksionojnë. Minimalja të vijë të shohin pallatin. Se ka vënë ujin në zjarr asnjëri, as bashkia asnjë, vijnë sa për sy e faqe, kush na mbron ne pallati është duke rënë. Ligjërisht është e drejta juaj tha avokati, po këtu vetëm leku bën punë jo drejtësia. Madje ajo kompani që ka ndërtuar këtë pallat vazhdon pa problem punimet. Ndërsa ne duhet të rrimë, urtë ne taksapaguesit”, është shprehur njëri.
Një tjetër ka përfunduar se themelet e pallatit nga punimet e kompanisë, janë dëmtuar ndërsa kanë hapur një gropë që rrezikon shembjen e ndërtesës.
“Skemi më besim tek askush, dje gjykata vendosi i dha të drejtë firmës, pa të drejtë që firma të vazhdoj punimet. Nuk është marrë asnjë masë për këtë pallat. Kërkojmë nga bashkia të vijë të shikojnë pallatin, ata vazhdojnë punimet. Minimalja që kërkojmë nga Bashkia, që duhet të kishte më marrë masë me kohë që mos kishte hapur atë gropë aty. Që mos kishte hapur gropën aty, se rrezikohen themelet dhe pallati do bierë. Firma duhet të kishte ngul pilot, gjë që nuk e bëri, drejtësi këtu te në nuk ka”, është shprehur një tjetër banor.
Theksojmë sërish se sot banorët protestuan për te tretën here pasi vendimi i gjykatës nuk i pezulloi punimet dhe ata u detyruan të kërkojnë bashkisë ndërprerjen e punimeve dhe zgjidhje për pallatin e tyre. A.L / gijotina.com
Discussion about this post