Lulzim Basha është shefi i një kioske, madje ia ka arritur të jetë personazhi politik më qesharak i 30 viteve. Kështu u shpreh deputeti demokrat Edi Paloka në emisionin “Breaking” në Top News.
Duke komentuar situatën ku ndodhet PD, si dhe vendimin e fundit të Lulzim Bashës për përjashtimin e 11 deputetëve demokratë nga Grupi Parlamentar, Paloka tha se Basha nuk ka asnjë tagër, pasi ai nuk ka asnjë parti.
“Lulzim Basha nuk është kryetar i asnjë partie. Edhe brenda atij grupit që ai pretendonte të ishte kryetar partie, derisa nuk zhvilloi zgjedhje, por bëri një proces fals, mundej ta njifte gjykata.
Në momentin që ai bëri ato zgjedhjet false, ai ia hoqi legjitimitetin vetes edhe brenda grupit tij që quhej kryetar deri në atë moment. Lulzim Basha është vetëm shefi i një kioske dhe ia ka arritur të jetë personazhi politik më qesharak i këtyre 30 viteve. Kjo është e vetmja fitore e Lulzim Bashës”, tha Paloka.
Në vijim deputeti demokrat komentoi edhe kohën e bashkëpunimit me Bashën duke thënë se do ta hiqte nga CV kete periudhë.
“Kam qenë nenkryetar i PD dhe besoj se kaq pak e kam e kam fituar vetë. Nuk ma ka dhënë Basha, kam nja 30 vjet, jam themelues i asaj partie. Kam bërë vetëm sakrifica për atë parti.
Skam marrë kurrë privilegje, ndryshe nga personi në fjalë që ditën e parë që erdhi u bë deputet javën e parë u bë ministër dhe pastaj vazhdoi u bë 3 herë ministër, kryetar bashkie, kryetar partie, pa pasur asnjë meritë partinë demokratike.
Që kam qenë nënkryetar dhe për shaka, po ju them kam vendosur ta heqë nga CV-ja, me shpresën që do e harrojnë njerëzit pikërisht që kam qenë nënkryetar me Lulzim Bashën”, tha Paloka.
Discussion about this post