Kreu i Këshillit Kombëtar të Partisë Demokratike, Edi Paloka theksoi se ka një ndryshim thelbësor midis dy forcave politike kryesore në Shqipëri.
Sipas Palokës, kjo është një betejë mes atyre që ofrojnë mundësi dhe mirëqenie për shqiptarët dhe atyre që, pas 12 vitesh, nuk kanë asgjë për të ofruar përveç mashtrimeve dhe kërcënimeve.
Ai shtoi se Partia Demokratike ka një program që përqendrohet tek zgjidhja e problemeve më të mëdha të shqiptarëve, duke përfshirë varfërinë dhe eliminimin e shtresës së mesme.
“Ka një ndryshim thelbësor dhe ndryshim real midis dy forcave dhe dy liderëve, kreut të narkoshtetit dhe liderit të opozitës që premton nesër për të qenë kryeministër.
Ndryshimi është pikërisht ky, ne ju ofrojmë shqiptarëve mundësi, lehtësim, mirëqënie kurse në krahun tjetër nuk ka mbetur më gjë. Nuk mundet më Rama ti ofrojë asgjë shqiptarëve pas 12 viteve që i mashtron dhe mbetet vetëm ti kërcënojë.
Në krahun tjetër kemi kërcënimin, hajdeni me mua se ndryshe ju ndodh kjo, e nga opozita ka oferta që përmirësojnë, zgjedhin problemet, përmirësojnë jetën e kujtdo shqiptari.
Sot ishte paraqitja e programit për biznesin por në gjithë këto ditë jo vetëm sot ne kemi disa muaj që paraqesim programin tonë, ku thelbi, bazamenti është zgjidhja e problemit kryesorë që për fat të keq kanë shqiptarët sot, varfëria.
Jemi vendi më i varfër në Europë. Ajo paketë është baza e programit tonë pasi qëllimi kryesorë është ti japim zgjidhje varfërisë sigurisht pa harruar shtresat e tjera të shoqërisë shqiptare.
Në Shqipëri shtresa e mesme është eliminuar, nuk ekziston kjo shtres vetëm oligarkët, shumë të pasurit dhe pjesa më e madhe që është kthyer në varfëri tek shqiptarët.
Qytetarët duhet të zgjedhin mes atyre që i mbajnë me kërcënime dhe PD-së që i ofron zgjidhjen e problemeve të tyre”, u shpreh Paloka.
Discussion about this post