Agron Neza, shqiptaro-amerikani i identifikuar si ‘Personi A’, në dosjen e ish-agjentit të FBI-së, Charles McGonigal rezulton se jeton në zonat shumë të privilegjuara në SHBA.
Report Tv ka publikuar pamje nga shtëpia e tij në lagjen Leonia në Nju Xhersi në Shtetet e Bashkuara të Amerikës, në një prej lagjeve më të shtrenjta në zonat rezidenciale të këtij qyteti. Kjo zonë rezidenciale, sipas Report TV, njihet për vilat luksoze dhe shumë të shtrenjta, në një prej shteteve më të zhvilluara në Shtetet e Bashkuara të Amerikës.
Neza del në dosje si njeriu që i jep 225 mijë dollarë McGonigal në mënyrë që të ndërhyjë në FBI që të nisë hetimin për personin që po lobonte në SHBA për PD-në, në vitin 2017 kur drejtohej nga Lulzim Basha. Supozohet që bëhet fjalë për Nicolas (Nick) Muzin. Ndërsa Personi B, Dorian Duçka del si njeriu që e shoqëron kudo ish-agjentin, paguan fluturimet e akomodimet e tij, si dhe i përcjell informacionet e nevojshme që do t’i shërbenin në nisjen e hetimit nga FBI.
Discussion about this post