Më tërhoqi njoftimi për panairin që ishte në bashkëpunim me shtëpinë botuese “Pika pa sipërfaqe”, ku promovohen librat e vjetër e të përdorur, dhe jo vetëm, në stendat e tyre.
Panairi, i cili ndodhet në “Logun e Shkëndijës”,
që në hyrje, edhe pse një vend i vogël, të tjeçonë një ngrohtësi nga magjia e librave.
Ky panair ishte i veçantë, pasi pjesë të tij mund të gjeje shumëllojshmëri librash, midis tyre në gjuhë të huaj dhe që i përkisnin zhanerave të ndryshëm. Qershia mbi tortë, ishin librat e vjetër dhe atmosfera që ato të krijonin.
Për eventin ka folur gjithashtu edhe organizatori i tij, i cili u shpreh se ky është panairi i 8 që kryhet veçmas panairit të madh që mbahet në Qendrën Ndërkombëtare të Kulturës në Tiranë.
“Ky është panairi i 8 i cili është çelur në “Logun e Shkëndijës” në bashkëpunim me shtëpinë botuese “Pika Pa Sipërfaqe”. Librat do të jenë të rinj, të përdorur, në shqip, në disa gjuhë të huaja dhe të fushave të ndryshme”.
Në kushtet e një pandemie globale të merresh me librin sigurisht për botuesin ka qenë një sfidë e madhe. Edhe organizimi i panairit kështu u pa, ndonëse pati luks e shkëlqim prezantes në ditën e hapjes.
Mesazhi i këtij panari, është leximi dhe përhapja e diturisë, por edhe përdorimi i librave të vjetër, pasi dhe ato përmbajnë historinë e tyre të veçantë dhe komplekse.
Panairi ka nisur me datë më datë 28 dhe do të qëndrojë hapur deri më datë 31. Ndaj, çdokush që është adhurues i artit dhe i librave, duhet të shkojë, pasi është me të vërtetë një eksperiencë unike. / O.B / Gijotina.com
