Epidemiologu Erion Dasho ka deklaruar ditën e sotme se qeveria nuk menaxhoi si duhet pandeminë, pasi qytetareve kanë paguar kostot që duhet të paguante shtetit. Dasho ka cekur më shumë faturat e kripura për testet e koronavirusit.
Ai tha gjatë një interviste televizive se, qeveria duhet të kishte marrë masa për të vendosur çmime referente dhe taksa çmimi fikse për laboratorët privatë në mënyrë që të mos vileshin nga xhepat e qytetarëve
Dasho tregoi se gjatë 2020 një test kushtonte 5-6 fish më shumë se kostoja bazë ndërsa një test antigjen ishte dhjetëra fish më i shtrenjtë.
“Në rast se një organ rregullator si Ministria e Shëndetësisë nuk merr masa për ta kontrolluar këtë ‘zhvatje’ të qytetarit shqiptar atëherë pikëpyetja që ka të drejtë të ngrejë çdo kush është: Kush po përfiton nga këto çmime?”, u shpreh ai.
Dasho tha se kjo tregon qartë që shtetit dhe privatët kanë përfituar nga situata për të vjedhur qytetarët. Ai tha se, ligji i sëmundjeve infektive thotë qartë se kostot përballohen nga shteti dhe qytetari përfiton falas shërbimet shëndetësore, por kjo nuk ndodhi në Shqipëri.
Sipas tij duke qenë se shteti nuk ofronte këtë shërbim qytetarët iu drejtuan privatit, këta të fundit ofronin teste me çmim shumë më të lartë.
